«Ժողովուրդ» օրաթերթին լավատեղյակ աղբյուրներից հայտնի է դարձել, որ «Բարգավաճ Հայաստան» կուսակցության նախագահ Գագիկ Ծառուկյանը մեծամասնական ընտրակարգով առաջադրված ԲՀԿ-ական թեկնածուներին խոստացել Է ֆինանսապես օգնել, ինչքան որ հարկն Է:
«Սակայն միաժամանակ պայման Է առաջադրել, եթե թեկնածուն պարտվի, ապա պարտավոր է վերադարձնել տրված գումարը, իսկ եթե հաղթի, ապա այն կհամարվի որպես նվեր»:
ԲՀԿ նախագահի մամուլի խոսնակ Խաչիկ Գալստյանը, սակայն, թերթի հետ զրույցում ասել է, որ այդ լուրերն աբսուրդ են: «Միգուցե այլ կուսակցությունների մասին Է խոսքը, բայց մեզ մոտ նման բան չկա»,- վստահեցրել է Գալստյանը:
«Մինչդեռ ԲՀԿ-ական պատգամավորներն այլ բան են ասում»,- հավելում է թերթը:
