Ֆինլանդիայում իրականացված հետազոտությունները պարզել են, որ խոզի գրիպի դեմ պատվաստանյութի պատճառով դպրոցահասակ երեխաների շրջանում նարկոլեպսիայի դեպքերի կտրուկ աճ է գրանցվել: Երեխաների մոտ ի հայտ են եկել քնի խանգարումներ, հանկարծակի նիրհ, պարալիտիկ նոպաներ:
7 տարեկանից ցածր երեխաների շրջանում նարկոլեպսիայի դեպքերի աճի մասին մասնագետները ահազանգել էին դեռևս 2010 թվականի սկզբներին: Համեմատվել են նարկոլեպսիայի հիվանդացության`2002, 2009 և 2010 թվականների վիճակագրական տվյալները: Ըստ այդ տվյալների՝ հիվանդությունը ամենից շատ գրանցվել է 2009-ին:
Գիտնականները կապ են տեսնում հիվանդության և Pandemrix պատվաստանյութի միջև, որով երեխաները փոխպատվաստվել էին խոզի գրիպի H1N1 վիրուսին դիմակայելու նպատակով:
Նարկոլեպսիայով հիվանդանալու հավանականությունը պատվաստում ստացած մարդկանց մոտ 13 անգամ մեծ է, քան պատվաստում չստացածների:
