«Որքան մոտենում են ընտրությունները, այնքան չինովնիկներին սեփական աշխատասենյակներում «բռնացնելն» առավել դժվար է դառնում: Ի դեպ, խոսքը ոչ միայն վարչապետի կամ նախարարների մասին է, այլև նախարարության ամենավերջին աշխատակցի. բոլորը քարոզարշավի են»,- գրում է «Երկիր»-ը:
Անհասանելի չինովնիկների «ջրերն է ընկել» նաև սպորտի և երիտասարդության հարցերի փոխնախարար, «Ամենայն հայոց արծիվ» Խաչիկ Ասրյանը, ով թեև նախօրեին «Երկիր»-ի թղթակցի հետ հեռախոսազրույցում վստահեցրել է, որ որոշ «չինովնիկների նման խոսելու կոմպլեքս չունի», բայց պայմանավորված հարցազրույցն այդպես էլ չի կայացել:
«Հարցազրույցի օրը և ժամը Ասրյանը հաստատեց գերմանական ճշտապահությամբ, բայց որքան մոտենում էր հարցազրույցի պահը, նրա հետ կապ հաստատելը առավել դժվար էր դառնում, նա մեկ Արարատում էր, մեկ` գրասենյակում, մեկ էլ` ինչ-որ շտաբում:
Իսկ երբ իմացավ, որ հարցազրույցը նաև նկարահանվելու է, հայտարարեց, թե շտապ կանչով մեկնում է Սյունիք ու անջատեց հեռախոսը»:
Ավելի ուշ, քարտուղարուհին հայտնել է, որ Ասրյանը, հավանաբար, էլ չի գա «մի պահ մտավ, դուրս եկավ»…
«Ի դեպ, մեր տեղեկություններով, Ասրյանի վրա լուրջ հրահանգ է իջեցվել խոսելու փոխարեն կուսակցական գործերով զբաղվել, բայց եթե չի կարող զսպել խոսելու ցանկությունը, խոսել, բայց ոչ երբեք տեսախցիկի առջև»:
