Գերմանիայի Քրիստոնեադեմոկրատական կուսակցությանը, որի ղեկավարը կանցլեր Անգելա Մերկելն է, մեղադրում են Հյուսիսային Ռեյնում նախընտրական փուլում «ծովահենների» դոմենների օգտագործման մեջ: Կուսակցության Ռատինգեն շրջանի կառույցը համացանցում գրանցվել է Ծովահենային կուսակցության դոմենային անուններով:
Մասնավորապես՝ Քրիստոնեադեմոկրատական կուսակցությունը զբաղեցրել է piratenratingen.de, piraten-ratingen.de, piratenparteiratingen.de դոմենները: Բոլոր այս հասցեները տանում են Ռանտինգենի կառույցի կայք, որտեղ կոչ է արվում տեղական լանդտագի ընտրություններում քվեարկել նրա թեկնածուի օգտին:
DENIC կազմակերպության տվյալների բազայում, որը դոմեններ է տրամադրում Գերմանիայում, <ծոովահենների> հասցեները գրանցված են եղել քրիստոնյա դեմոկրատների նախկին առաջնորդ Ուդո Շեկերմանի անունով: Handelsblatt-ի հետ զրույցում նա հայտարարել է, որ վեց տարիների ընթացքում չի էլ նայել կուսակցության համացանցային բաժինը և չի իմացել, որ իր անունով ինչ-որ հասցեներ են գրանցված:
Ռանտինգենի քաղաքապետի տեղակալ, Քրիստոնեադեմոկրատական կուսակցության անդամ Դավիթ Լյունգեն չի կարողացել ասել, թե ինչու են դոմենները գրանցվել Շեկերմանի անունով, բայց բացատրել է, որ կուսակցականները որոշել են վերցնել դրանք, որպեսզի մատնանշեն Ծովահենային կուսակցության մութ գործերը համցանցային աշխատանքում: Դրա հետ մեկտեղ նա հավելել է, որ կուսակցությունը պատրաստ է կայքերն անվճար տրամադրել «ծովահեններին»:
Ծովահենային կուսակցությունում գտնում են, որ քրիստոնեադեմոկրատներն օգտագործում են իրենց անունը, որպեսզի նախընտրական շրջանում իրենց գովազդեն: Դրա հետ մեկտեղ ծովահենների կողմնակիցները զանգվածային հարձակումներ են սկսել Քրիստոնեադեմոկրատական կուսակցության կայքերի վրա: Դրանից հետո կուսակցությունն իր կայքից հեռացրել է Ծովահենային կուսակցության անվանումը կրող հասցեները:
