ԵՄ իշխանությունները որոշել են ներմուծել անձնագրի վերահսկման ավտոմատ համակարգ՝ սահմանների վրա տուրնիկետ տեղադրելով: Այս մասին «Ինտերֆաքս»-ի հետ հարցազրույցում տեղեկացրել է Եվրոպական հանձնաժողովի ներքին գործերի գլխավոր տնօրինության ղեկավար Ստեֆանո Մանսերվիզին:
Նոր համակարգը, որ կոչվում է «Գրանցված ճանապարհորդը» (Registered Traveler), կհեշտացնի կենսաչափական անձնագիր ունեցողների մուտքը Եվրոպա: Անձը, որն իրավունք ունի անցնել սահմանը, պետք է պարզապես իր փաստաթուղթը դնի տուրնիկետի վրա և անցնի՝ «ինչպես մետրոյում»: Սա կդառնա ավելի մեծ՝ «Խելացի սահմանը» նախաձեռնության մի մասը (Smart Border):
Ավտոմատացված անձնագրային հսկողության համակարգն արդեն փորձարկվել է Լոնդոնի և Ամստերդամի օդակայաններում:
