Ռեստորանի ընտրության հարցում մարդկանց գրեթե մեծամասնությունը ձգտում է այնտեղ, որտեղ արդեն մեկ անգամ հյուրընկալվել է: Սակայն կանադացի գուրման, հեռուստահաղորդավար Բոբ Բլյումերը ստանդարտների կողմնակից չէ:
Նա 6 ամիս շրջել է աշխարհով մեկ` հայտնաբերելու աշխարհի ամենատարօրինակ ռեստորանները: Դրանցից մեկը նա գտել է Թայվանում: Modern Toilet-ում կերակուրը հյուրերին մատուցվում է զուգարանակոնքի նմանվող ափսեներով: Իսկ ահա ամերիկյան մի ռեստորանում նա ճաշել է ճաղերի հետևում և լվացքատանը: Կանադացու արկածախնդրությունը բավարարել է նաև ֆերմա հիշեցնող իտալական ռեստորանը, որտեղ ափսեները լվանում էին կապիկները, իսկ իտալական ավանդական բրձով ռիզոտտոն մատուցում էր տրակտորը:
Տարօրինակ ռեստորանների շարքը թվարկելով` Բլյումերը անդրադարձել է նաև Տոկիոյի մի ռեստորանի, որտեղ գարեջուրը մատուցում են կապիկները: Աչքաթող չանելով իր հայրենիքի ռեստորանները` նա նշել է Վանկուվերի No Fixed Address ռեստորանը, որտեղ այցելուները սեղանների շուրջ են խմբվում` ըստ նախընտրած կերակրատեսակների: Իսկ ահա Նյու-Յորքում նա ընթրել է մերկ այցելուների հետ:
Բլյումերի համար խիստ տպավորիչ էր նաև Սան Անտոնիոյի տարօրինակ ռեստորանը, որտեղ մատուցողները վիրավորում էին հաճախորդները, բղավում նրանց վրա և սեղանին շպրտում մենյուները:
Պրահայի «Chodovar» ռեստորանում Բլյումերը ընդունել է իր կյանքի ամենաարտասովոր լոգանքը` գարեջրով լի վաննայում` ծորակից գարեջուր ըմբոշխնելով:
