Ադրբեջանական 1news.az-ը, վկայակոչելով թուրքական լրատվամիջոցներին, հայտնում է, որ Թուրքիան իր համար ամենաէժան գազը ներկրում է Ադրբեջանից, իսկ ամենաթանկը՝ Իրանից:
Մասնավորապես, 2011 թվականին Թուրքիան Ադրբեջանից ներկրած 1000 խորանարդ մետր գազի համար վճարել է 282 դոլար: Մինչդեռ ռուսական գազի պարագայում այդ ցուցանիշը կազմում է 418 դոլար, իսկ իրանական գազի պարագայում՝ 423 դոլար:
Թուրք փորձագետները չեն բացառում, որ համաշխարհային շուկաներում գազի գների բարձրացումը կարող է համապատասխան ուղղումներ մտցնել արտասահմանից Թուրքիա գազի ներկրման հարցում:
Հիշեցնենք, որ Թուրքիայի թիվ մեկ գազամատակարար երկիրը Ռուսաստանն է, ապա հաջորդում են Իրանն ու Ադրբեջանը:
