ԱՄՆ պաշտպանության նախարար Լեոն Պանետտան երեքշաբթի օրը հայտարարել է, որ Աֆղանստանում ՆԱՏՕ-ի կոալիցիան պետք է շարունակի իր ջանքերը` նպատակներին հասնելու և հակամարտության կարգավորման համար: Պենտագոնի ղեկավարն ասել է, որ ռազմական գործողությունները հասարակական կարծիքի ուսումնասիրության հիման վրա չեն իրականացվում: Այս մասին հաղորդում է «Ազատություն» ռադիոկայանը:
Կանադայում մամուլի ասուլիսի ժամանակ ելույթ ունենալով` Պանետտան նշել է, որ զորքերը պետք է գործեն համաձայն այն ռազմավարության, որը լավագույնն է համարվում ռազմական խնդիրների լուծման համար:
Տեղեկացնենք, որ մեկ օր առաջ The News York Times-ը հրապարակել էր հերթական սոցհարցման արդյունքները, համաձայն որոնց` ամերիկացիների մոտ երկու երրորդը կողմ է Աֆղանստանում ռազմական գործողությունների դադարեցմանը:
