Անգլիական «Արսենալ»-ի գլխավոր մարզիչ Արսեն Վենգերը կարծում է, որ «Բարսելոնա»-ն Չեմպիոնների Լիգայի գավաթի ընթացիկ խաղարկության հաղթողի գլխավոր հավակնորդն է և կհաղթահարի «Միլան»-ի արգելքը։
«Կատալոնական ակումբը հաղթողի գլխավոր հավակնորդն է: «Միլան»-ը ոչ մի հնարավորություն չունի: Իտալացիները թիմային հիանալի խաղ են ցուցադրում, ինչպես նաև ունեն Զլատան Իբրահիմովիչի պես տաղանդավոր հարձակվող, բայց չեմ կարծում, որ նրանք այժմ այն մակարդակի վրա են, որպեսզի հաղթեն «կապտանռնագույններ»-ի արգելքը»,- ասել է Վենգերը:
Հիշեցնենք, որ «Արսենալ»-ը դուրս մնաց Չեմպիոնների Լիգայի գավաթի ընթացիկ խաղարկության 1/8 եզրափակիչից՝ «Միլան»-ին զիջելով ընդհանուր 3:4 հաշվով:
