«Մետեոր-1» առաջին խորհրդային մթնոլորտային արբանյակը դուրս է գալիս տիեզերական ուղեծրից մեկնարկից 43 տարի անց:
Ըստ ամերիկացի զինվորականների՝ արբանյակն արդեն մտել է մթնոլորտի խիտ շերտեր՝ Մոնղոլիայի արևմտյան շրջանների մոտ:
«Մետեոր-1»-ը արձակվել է 1969 թ. մարտին Պլեսեցկ տիեզերակայանից: Արբանյակը, որի զանգվածը գրեթե կես տոննա է, բևեռային ուղեծիր է դուրս բերվել Р-7 հրթիռ-կրիչի միջոցով:
Երկու տեսախցիկների և ինֆրակարմիր ռադիոմետրի օգնությամբ սարքը մոլորակի վրա եղանակի փոփոխությունների տվյալներ է հավաքել և դրանք ուղարկել ընդունող կենտրոններ Մոսկվայում, Վլադիվոստոկում և Նովոսիբիրսկում: Այնուհետև այդ տեղեկատվությունը փոխանցվել է Հիդրոմետ կենտրոն և օտարերկրյա օդերևութաբանական կենտրոններ:
Ըստ NASA-ի՝ «Մետեոր-1»-ն իր աշխատանքն ավարտվել է 1970 թ. հուլիսին, որից հետո նրա ուղեծիրն աստիճանաբար նվազել է:
Մասնագետներն ասում են, որ «Մետեոր-1» պետք է այրվի մթնոլորտում:
