Այսօր Աֆղանստանում մի քանի հարձակումներ են իրականացվել ՆԱՏՕ-ի կոալիցիայի զինվորների վրա, կան զոհեր և վիրավորներ:
Ինչպես հաղորդում է ITAR-TASS-ը, երկու ոստիկան է սպանվել անհայտ տղամարդու կողմից, որը եղել է աֆղանական բանակի զինվորական համազգեստով: Աֆղանստանում Միջազգային անվտանգության աջակցության ուժերի (ISAF) հրամանատարությունից հայտնել են, որ պատասխան կրակից հարձակվողը սպանվել է: Սպանված զինծառայողների ազգությունը դեռ հայտնի չէ: Տեղի աղբյուրների համաձայն՝ դեպքը տեղի է ունեցել ամերիկյան ռազմական ճամբարում:
Բացի այդ, ավելի վաղ հաղորդվում էր, որ Ուրուզգան մարզում մահապարտ ահաբեկիչն ականապատ մոտոցիկլետով մխրճվել է ՆԱՏՕ-ի ռազմաբազայի մոտ գտնվող զինվորական շարասյան մեջ: Ականատեսների վկայությամբ՝ պայթյունի հետևանքով վիրավորվել են տեղի բնակիչները:
Մինչդեռ աֆղանական ԶԼՄ-ները, վկայակոչելով ոստիկանությանը, գրում են, որ պայթյունը տեղի է ունեցել ՆԱՏՕ-ի ռազմաբազայի դարպասների մոտ, վիրավորների թիվը չի նշվում:
Այսօր հայտնի է դարձել նաև, որ Աֆղանստանի հյուսիսում հակահետախուզության բարձրաստիճան սպա է սպանվել:
