Շատ քիչ արվեստագետներ են իրենց կյանքի ընթացքում արժանանում համապատասխան պատվի, և շատ քչերի համար է գրվում իրենց կենսագրությունը. 9-ամյա տղայի համար նման հաջողությունը երևի անհավանական է:
Daily Mail-ը տեղեկացնում է, սակայն, որ Կիրերոն Ուիլյամսոնի համար, որը հայտնիէ որպես «Երկրորդ Պիկասո», նման հաջողությունը բնական է: Նա սկսել է նկարել հինգ տարի առաջ:
Անցած տարի նրա 33 նկարների ցուցադրությունից հետո բոլոր նկարները վաճառվել էին` երեխային բերելով 100000 ֆունտ սթերլինգ եկամուտ: Այս տարի հուլիսին տղան պատրաստվում է մեկ այլ՝ ավելի մեծ ցուցադրության:
Տղայի մայրն անգամ պատրաստվում է գրել երեխայի կենսագրությունը: Ընդհանուր առմամբ նա սովորական 9-ամյա տղա է, որը, սակայն, երբ սկսում է նկարել, նրա մեջ մանկական մտքերը միանգամից վերանում են:
Տղան ասում է, որ ինքը ժամանակակից բրիտանացի նկարիչ է, որը սիրում է նկարել ամեն օր, սիրում է գույներն ու դրանք իրար խառնելը: Նա հատկապես հետաքրքրված է բնանկարներով, որոնց համար օգտագործում է բաց գույներ` ասելով, որ երբեմն վառ գույները դիտողին ստիպում են կենտրոնանալ գույնի վրա և չնկատել նկարի իմաստը:
