Նոր հետազոտության համաձայն՝ օրական երկու բաժակ թեյ խմելը կարող է մեծացնել կանանց հղիանալու հավանականությունը:
Daily Mail-ի փոխանցմամբ՝ հետազոտության արդյունքում պարզվել է, որ օրական երկու բաժակ թեյ խմելը 27 տոկոսով մեծացնում է հղիանալու հավանականությունը:
Ի տարբերություն թեյի` կոկա-կոլայի նման զովացուցիչ ըմպելիքները 20 տոկոսով նվազեցնում են հղիանալու հավանականությունը: Հաղորդվում է, որ հղիանալու հավանականության վրա էական նշանակություն չի ունենում սուրճի օգտագործումը:
Հետազոտությանը մասնակցել է 3600 կին, ովքեր ակտիվորեն փորձել են երեխա ունենալ: Հետազոտության հեղինակ, ԱՄՆ-ի Բոսթոնի համալսարանի պրոֆեսոր Էլիզաբեթ Հեթչն ասել է, որ հետազոտության միջոցով ցանկանում էր պարզել, թե արդյոք կոֆեինը որևէ ազդեցություն ունենո՞ւմ է հղիանալու վրա, թե՞ ոչ:
