Ինչպես տեղեկացնում է INTERFAX-ը, ՌԴ ԱԳՆ ղեկավար Սերգեյ Լավրովը համոզված է, որ տվյալ փուլում միջազգային հանրությունը պետք է Սիրիայի հարցով ՄԱԿ-ի և ԱՊԼ-ի հատուկ պատվիրակ Քոֆի Անանի առաքելությանը ցուցաբերի համախմբված աջակցություն: ՌԴ ԱԳՆ-ի տարածած հաղորդագրության մեջ նշվում է, որ նա այս մասին հայտարարել է կիրակի օրը Մոսկվայում Քոֆի Անանի հետ հանդիպման ժամանակ:
«Սերգեյ Լավրովն ընդգծել է բոլոր կողմերից բռնության դադարեցման և համասիրիական քաղաքական գործընթացի կարգավորման անհրաժեշտությունը: Այս առնչությամբ նա հատուկ պատվիրակին կոչ է արել ակտիվ աշխատել ինչպես իշխանությունների, այնպես էլ ընդդիմության հետ»,- ասվում է հաղորդագրության մեջ:
«Նախարարը նշել է, որ տվյալ փուլում միջազգային հանրությունը պետք է Քոֆի Անանի առաքելությանը համախմբված աջակցություն ցուցաբերի: Դա ենթադրում է չմիջամտել Սիրիայի ներքին գործերին և անթույլատրելի համարել հակամարտության կողմերից որևէ մեկին աջակցություն ցուցաբերելը»,- հավելել են ԱԳՆ-ում:
