Հարավային Օսեթիայի նախագահի ընտրություններին մասնակցությունը գերազանցել է 50%-ը, ինչը թույլ է տալիս խոսել այն մասին, որ ընտրությունները կայացել են, РИА Новости-ին հաղորդել է հանրապետության ԿԸՀ-ի աղբյուրը:
«Մասնակցության շեմը հաղթահարված է: Արդեն քվեարկել է 50,1% քաղաքացի: Ընտրությունները կարելի է համարել կայացած»,- ասել է ԿԸՀ քարտուղար Իրինա Գասիևան:
Հարավային Օսեթիայի ավելի քան 30 հազար քաղաքացիներ մասնակցել են կրկնակի քվեարկությանը: 2011 թվականի նոյեմբերի 27-ին տեղի ունեցած նախորդ ըտրությունների արդյունքները Հարավային Օսեթիայի Գերագույն դատարանն անվավեր էր ճանաչել տեղ գտած խախտումների պատճառով:
Ընտրություններին մասնակցում է չորս թեկնածու` պետական անվտանգության հանձնաժողովի նախկին նախագահ Լեոնիդ Թաբիլովը, նախագահին առընթեր մարդու իրավունքների հանձնակատար Դավիթ Սանակոևը, ՌԴ-ում Հարավային Օսեթիայի արտակարգ և լիազոր դեսպան Դմիտրի Մեդոևը և Կոմունիստական կուսակցության առաջնորդ Ստանիսլավ Կոչիևը:
Ընտրատեղամասերը բաց կլինեն Մոսկվայի ժամանակով մինչև ժամը 20.00:
Հարավային Օսեթիայի ընտրությունները կայացած են համարվում, եթե դրանց մասնակցել է ընտրողների ավելի քան 50%-ը: Թեկնածուի հաղթանակի համար անհրաժեշտ է, որ նա հավաքի 50 գումարած մեկ ձայն:
