Ֆրանսիայի նախագահ Նիկոլա Սարկոզին հայտարարել է, որ հնարավոր է քրեական պատասխանատվության ենթարկվեն այն մարդիկ, ովքեր պարբերաբար այցելում են ծայրահեղական ինտերնետ կայքեր:
«Նրանք, ովքեր արտասահման են մեկնում՝ այնտեղ ահաբեկչության գաղափարախոսություն սովորելու, քրեորեն կպատժվեն»,- ասել է նա:
Ինչպես հաղորդում է Euromag-ը, Սարկոզիի խոսքերով՝ «ծայրահեղական գաղափարախոսության գովերգումը և տարածումը կպատժվի քրեական օրենսգրքով նախատեսված մեղադրանքներով՝ ահաբեկչության դեմ պայքարի մեթոդների կիրառմամբ»:
Հիշեցնենք, որ վերջերս Ֆրանսիայում ծայրահեղական մուսուլման Մուհամմադ Մերայի կողմից սպանվել է 7 մարդ, այդ թվում՝ երեք երեխա:
