Ինչպես հայտնում է ֆրանսիական Le Monde թերթը, Թունիսի արդեն նախկին նախագահ Զին Ալ Աբիդին բեն Ալին երկրից փախչելիս իր հետ տարել է 1.5 տոննա ոսկի: Սկզբում երկրի Կենտրոնական բանկից այդ ոսկին փորձել է հանել նախկին նախագահի կինը` Լեյլա Տրաբելսին, սակայն գանձապետը մերժել է նրան: Ապա գործի է անցել բեն Ալին: Գանձապետը սկզբում նրան էլ է մերժել, ապա ստիպված է եղել 1.5 տոննա ոսկու ձուլակտորներ տալ նրան:
Թերթի հաղորդմամբ, գողացված ոսկու գինն այս պահին կազմում է 45 մլն եվրո:
Մնում է միայն փաստել, որ Հայաստանում այս վտանգը չկա, քանի որ վարչապետ Տիգրան Սարգսյանը ժամանակին երկրի ոսկու ողջ պաշարն արդեն վաճառել է: Կարող ենք հանգիստ քնել: