«Երկիր»-ը գրում է, որ ՀՀԿ համամասնական ցուցակի 50-րդ հորիզոնականում տեղ գտած Արամ Հարությունյանի, նույն ինքը` ՀՀ բնապահպանության ներկայիս նախարարի անվան դիմաց անհասկանալի պատճառներով, գուցեև միտումնավոր, բացակայում էր պաշտոնի անվանումը:
«Ասում են, սկզբից ինքն էլ չի հավատացել, որ ցուցակում տվյալ ազգանվամբ անձնավորությունն ինքն է, և ընկերներին դժգոհել է, որ ՀՀԿ համամասնական ցուցակում ներառված չէ, իսկ երբ տեղեկացել է այդ մասին, զարմացել է, բայց չի համարձակվել հարցնել պատճառը:
Թե ինչու մնացած բոլոր թեկնածուների ազգանունների դիմաց նշված է զբաղեցրած պաշտոնները, իսկ Արամը ներկայացված է անպաշտոն, կարելի է ենթադրել, որ Արամ Հարությունյանին ապագա կառավարության կազմում կուսակիցները չեն տեսնում:
Կհայտնվի՞ Արամ Հարությունյանը գոնե ԱԺ-ում` կախված է Հանրապետականների բարի կամքից, բայց որ վաղուց էին նրա գլխին «սև ամպեր» կուտակվել, փաստում են ցուցակում նրա դիրքն ու ազգանվան դիմաց պաշտոնի բացակայությունը»:
