Եվրամիության արտաքին գործերի և անվտանգության քաղաքականության հարցերով գերագույն հանձնակատար Քեթրին Էշթոնը Մալիի քաղաքացիներին կոչ է արել վերադառնալ սահմանադրական կարգերին և շուտափույթ ընտրություններ անցկացնել։
«Մալիի համար այս որոշիչ պահին ես կողմերին կոչ եմ անում պատասխանատվության զգացում և զսպվածություն ցուցաբերել, որպեսզի պահպանվեն մարդկային կյանքերը, հիմնական ազատությունները և Մալիի ամբողջականությունը»,- հայտարարել է Էշթոնը:
Այսօր պաշտոնական Վաշինգտոնը ևս խիստ կերպով քննադատել է Մալիի հեղաշրջումը:
Հիշեցնենք, որ Աֆրիկայի արևմուտքում տեղակայված Մալիի Հանրապետությունում նախօրեին ռազմական հեղաշրջում էր տեղի ունեցել: Իշխանությունից դժգոհ զինվորները գրավել էին Մալիի նախագահի նստավայրը և ձերբակալել մի քանի նախարարների:
Երկրում տեղի ունեցող զարգացումները Մալիի նախագահ Ամադու Թումանի Տուրեն անվանել է ոչ թե ռազմական հեղաշրջում, այլ «խռովություն»։
