Նիգերիայում մեծանում է լյուքս ապրանքների` դիզայներական էլիտար հագուստների, թանկարժեք զարդերի, մեքենաների, շամպայնի պահանջարկը: Այս մասին հայտնել է Associated Press գործակալությունը:
Ինչպես նշել են վերլուծաբանները, նիգերիացիների պահանջով՝ երկրի շուկա մուտք են գործում այնպիսի ապրանքանիշներ, ինչպիսիք են` Louis Vuitton–ը, Amrapali Jewels Pvt. Ltd.–ն, Porsche AG, Moet Hennessy–ն։
Ինչպես մեկնաբանել են փորձագետները, հայտնի ապրանքանիշներ գնում է հիմնականում այն խավը, որի մեջ մտնում են գործարարներ, նավթային ընկերությունների ղեկավարներ և «կաշառակեր քաղաքական գործիչներ»: Դեռևս ոչ վաղ անցյալում նրանք իրենց «լյուքսային» պահանջները բավարարելու համար մեկնում էին Լոնդոն, Փարիզ, Դուբայ: Այժմ նրանք էլիտար ապրանքներ կարող են գնել նաև Նիգերիայում:
Նիգերիայի էլիտայի եկամտի աճը պայմանավորված է նավթային բիզնեսի զարգացմամբ: McKinsey & Co միջազգային խորհրդատվական ընկերության հաշվետվության համաձայն՝ մինչ 2020 թ. Նիգերիայի մայրաքաղաք Լագոսում էլիտայի ընդհանուր ծախսը կգերազանցի 25 միլիարդ դոլարը:
