Պակիստանի իշխանությունները մտադիր են ռուսական «Գազպրոմ» գազային հոլդինգին ներգրավել Իրան-Պակիստան («Միր») գազատարի նախագծի շինարարությանը: Այս մասին այսօր հայտարարել է Պակիստանի նավթի ու բնական ռեսուրսների նախարարության բարձրաստիճան պաշտոնյաներից մեկը:
Նախարարության աշխատակցի խոսքով`մոտ ապագայում արդեն երկրի էներգետիկ խոշոր ընկերությունների ներկայացուցիչները, ինչպես նաև մի շարք գերատեսչություններ ու նախարարությունների աշխատակիցներ կմեկնեն Մոսկվա` «Գազպրոմի» հետ համապատասխան բանակցությունների: Այս մասին հաղորդում է ITAR-TASS-ը:
Իրան-Պակիստան` 2.7 հազար կմ երկարությամբ գազատարի նախագիծն առաջարկվել է իրականացնել դեռ 2005-ից: Այն պետք է ձգվի Իրանով, Պակիստանով մինչև Հնդկաստան, սակայն ավելի ուշ հնդկական կողմը Վաշինգտոնի ազդեցությամբ հրաժարվեց իր մասնակցությունից:
