Համացանցում հայտնվել են վիդեոկադրեր այն մարդու մասնակցությամբ, որին անվանում են «թուլուզյան ահաբեկիչ»: Մուհամմեդ Մերան կասկածվում է երեխաների սպանության մեջ: Արդեն երկու օր է` ֆրանսիական իշխանությունները փորձում են նրան ողջ բռնել թուլուզյան իր բնակարանում:
Այսօր ոստիկանությունը դադարեցրել է բանակցությունները նրա հետ և որոշել անցել նրան վախեցնելու մեթոդներին, որպեսզի հանցագործը վախենա և դիմադրություն չցուցաբերի:
БФМ-ТВ հեռուստաալիքի հաղորդմամբ` վերջին 27 ժամվա ընթացքում կատարվել է «հոգեբանական» երեք հարձակում։
Ոստիկանությունը կոտրել կամ պայթեցրել է այն տան ապակիները, որտեղ արգելափակված է ահաբեկիչը:
Դա արվել է նրա համար, որպեսզի տեսնեն` ինչ է կատարվում բնակարանում: Այն բնակարանում, որտեղ թաքնվում է տղամարդը, անջատված են ջուրը, գազը, էլեկտրաէներգիան:
Ինչպես ավելի վաղ նշել էինք, Ֆրանսիայի ՆԳ նախարար Կլեդ Գեանը հայտարարել էր, որ ոստիկանությունը ձգտում է ահաբեկիչին ողջ բռնել ու դատել:
