ՈւԵՖԱ-ի պաշտոնական կայքի հաղորդմամբ՝ Միշել Պլատինին որոշել է իր գործունեության ամենամեծ անակնկալը մատուցել հանրությանը: Հավանական է, որ 2015/16թթ. մրցաշրջանից հետո այլևս չի լինի Եվրոպայի Լիգայի գավաթի խաղարկություն՝ փոխարենը կլինի Չեմպիոնների Լիգայի գավաթի ավելի մասշտաբային խաղարկություն:
Վերլուծաբանների կանխատեսումներով՝ Չեմպիոնների Լիգայի գավաթի մասշտաբային խաղարկությանը կմասնակցեն 80 ակումբներ, որոնք բաժանված կլինեն 20 խմբերի՝ յուրաքանչյուրում 4-ական թիմ: Եվրոպայի առաջատար առաջնություններից՝ Անգլիայից, Իսպանիայից, Իտալիայից, Գերմանիայից և Ֆրանսիայից կլինեն 6-ական ներկայացուցիչներ, որոնցից 4-ը անմիջապես կընդգրկվի խաղարկությունում, իսկ 2-ը կանցնի որակավորման փուլ:
«Այսպիսի նախագիծ իրականում գոյություն ունի ՈւԵՖԱ-ի վերնախավում: Կարծում եմ՝ այդ նախագիծը շուտով նորությունից կվերածվի նախաձեռնության», – ասել է նախկինում հայտնի լեհ ֆուտբոլիստ Զվինեկ Բոնեկը, որը դեռ 80-ական թվականներից Պլատինիի ընկերն է:
Այս հեղափոխական որոշման պատճառը Եվրագավաթներում օգտագործվող ֆինանսների ավելցուկն է: Մեծ անդունդ կա Եվրոպայի Լիգայի գավաթի և Չեմպիոնների Լիգայի գավաթի խաղարկությունների բյուջեների միջև:
Այսպիսով՝ Եվրոպայի Լիգայի ներկայիս գավաթակիր «Պորտո»-ն վաստակել է 7,84 մլն եվրո, Չեմպիոնների Լիգայի ներկայիս գավաթակիր «Բարսելոնա»-ն՝ 51 մլն եվրո, իսկ խմբային փուլից դուրս մնացած «Օսեր»-ը՝ 13,7 մլն եվրո:
Այս նախագիծը իրականություն կդառնա նաև այն պատճառով, որ եվրոպական գրանտ ակումբները ևս հետարքրքրված են նոր «Սուպերլիգա»-ի գաղափարով:
Հատկանշական է, որ բոլոր հովանավորների հետ ՈւԵՖԱ-ն պայմանագիր է ստորագրել մինչև 2015 թվականը:
