Չինաստանի հարավում գտնվող Գուանդուն նահանգի ռեստորաններից մեկը հարստացել է մկներից պատրաստված ճաշատեսակների շնորհիվ: Այդ ռեստորանում կրծողներից պատրաստում են բազմազան ուտեստներ, որոնց արժեքը գերազանցում է հավի կամ խոզի մսից պատրաստած ուտեստներին:
Հաստատության սեփականատեր Վան Շեն իր խոհարարական նոու-խաուում ոչ մի անսովոր բան չի տեսնում: «Ոմանք կարծում են, թե մկները կեղտոտ էակներ են: Սակայն մենք ուտեստներ ենք պատրաստում միայն վայրի մկներից, որոնք ապրում են քաղաքից դուրս: Հավատացեք, դա շատ օգտակար կերակուր է»,- վստահեցնում է նա:
Զարմանալի է, սակայն, նահանգի շատ բնակիչներ համաձայն են նրա հետ: «Ես արդեն 10 տարի է, ինչ այցելում եմ այդ ռեստորան: Պարզվում է՝ թե ՛ տապակած և թե՛ խաշած մուկը հավասարապես համեղ է: Եվ այդ կերակուրներից հետո ես երբեք չեմ ունեցել որևէ խնդիր մարսողության հետ»,- ասել է ռեստորանի այցելուներից մեկը չինական ԶԼՄ-ին տված հարցազրույցում:
Այժմ Վան Շեն մտադիր է ընդլայնել իր բիզնեսն և բացել մասնաճյուղեր այլ քաղաքներում,- տեղեկացնում է rbc.ru-ն:
