Միացյալ Նահանգները հերքել է, որ Ռուսաստանին են փոխանցել Եվրոպայում հակաօդային պաշտպանության համակարգի վերաբերյալ տեղեկություններ: Այս մասին ասել է ԱՄՆ պետքարտուղարության բարձրաստիճան մի պաշտոնյա. հաղորդում է RIA-Novosti գործակալությունը:
Հիշեցնենք, որ երեկ ռուսական Kommersant-ը գրել էր, որ ռազմավարական և ԱՄՆ հակաօդային պաշտպանության հարցերով հատուկ ներկայացուցիչ Էլեն Թոշերը ռուսներին է փոխանցել հակաօդային պաշտպանության մասին տեղեկություններ: Չորեքշաբթի օրը պետքարտուղարության խոսնակ Վիկտորյա Նյուլանդը հրաժարվել էր մեկնաբանել այս հրապարակումը:
