Այսօր Իսրայելը Գերմանիայի հետ ստորագրել է համաձայնագիր՝ թվով վեցերորդ գերմանական «Դոլֆին» սուզանավը գնելու համար: Այս մասին հաղորդում է «Էդիոտ Ահրոնոտ»-ը՝ հղում կատարելով Իսրայելի պաշտպանության նախարար Էհուդ Բարաքին:
Reuters-ի տվյալներով՝ գործարքը ստորագրվել է Բեռլինում Բարաքայի և Գերմանիայի ՊՆ քարտուղար Ռյուդիգեր Վոլֆի միջև: Գործարքի արժեքը դեռ չի բարձրաձայնվում:
Գործակալության տվյալներով՝ ծրագրավորված է Գերմանիայի բյուջեից 135 մլն եվրո տրամադրել Իսրայելին՝ զենքի տեսքով: Իսկ այդ սուզանավի արժեքը 500-700 մլն դոլար է:
Մարտի 20-ին Էհուդա Բարաքայի հետ բանակցությունների ժամանակ Գերմանիայի պաշտպանության նախարար Թոմաս դե Մեզերը հերթական անգամ պատրաստակամություն է հայտնել Իսրայելին վաճառել վեցերորդ սուզանավը: Դրա հետ մեկտեղ գերմանացի նախարարը զգուշացրել է Իսրայելին Իրանի դեմ ռազմական գործողություններ չնախաձեռնելու մասին, իսկ Բարաքան իր հերթին հայտարարել է, որ Իսրայելը չի կարող թույլ տալ, որ Իրանը միջուկային զենք ունենա:
Նշենք, որ առաջին երեք սուզանավերն Իսրայելը Գերմանիայից ստացել է 1999-2000 թթ.: Չորրորդ և հինգերորդ սուզանավերի համար համաձայնագիր ստորագրվել է 2005 թ-ին:
Բացի Իսրայելից, «Դոլֆի» սուզանավեր ունեն Արգենտինան, Բրազիլիան, Թուրքիան, Հարավային Կորեան, Հարավաֆրիկյան Հանրապետությունը և Հնդկաստանը:
