Ավստրալիացի սուպեր մոդել Սիմոն Ֆերոուն երեք անգամ գլխավորել է FHM ամսագրի կողմից կազմված աշխարհի ամենասեքսուալ կանանց ցուցակը, ինչպես նաև Penthouse ամսագրի կողմից ստացել է «Տարվա փիսո» տիտղոսը: Նրան մեկշաբաթյա հետախուզումից հետո ձերբակալել են անցած շաբաթ՝ Gold Coast մոթելում: Այս մասին մարտի 21-ին գրել են արտասահմանյան լրատվամիջոցները:
37-ամյա Ֆերոուն, ով ժամանակին եղել է լողազգեստներ արտադրող Ed Hardy ընկերության դեմքը, իսկ պոդիումի վրա հայտնի է որպես Սիմոն Սթար, մեղադրվում է թմրանյութերի միջազգային վաճառքը ղեկավարելու մեջ:
Ֆերոուն առաջին անգամ ձերբակալվել էր 2009 թ.՝ Լոս-Անջելեսում հատուկ օպերացիայի ժամանակ: Ստուգման ժամանակ նրա տնից փաստեր էին հայտնաբերել, սակայն այդ ժամանակ նա 150 հազար դոլար գրավի դիմաց ազատ էր արձակվել:
Սուպերմոդելը պնդում է իր անմեղության մասին և հաստատում, որ այդ մեղադրանքները հանցագործների ձեռքի գործն են, ովքեր ցանկանում են իրեն վերացնել: Բայց, այնուամենայնիվ, ոստիկանությունն ապացույցներ ունի, որ հենց Ֆերոուն է ղեկավարել հանցավոր ցանցը և ուղարկել թմրանյութը ԱՄՆ և այլ երկրներ: Դրա համար նա օգտագործել է գրեթե 19 անուններ:
Այս գործի շրջանակներում ոստիկանությունը ձերբակալել է յոթ մարդու, որոնք մեղադրվում են թմրանյութերի տարածման մեջ:
