Ազգային ժողովն արդեն երրրորդ ընթերցմամբ և ամբողջությամբ 67 կողմ ձայնով ընդունեց «Արտակարգ դրության իրավական ռեժիմի մասին», «Վարչական իրավախախտումների վերաբերյալ» ՀՀ օրենսգրքում լրացումներ կատարելու մասին և «Ազգային ժողովի կանոնակարգ» ՀՀ օրենքում լրացում կատարելու մասին օրինագծերի փաթեթը:
«Ժառանգություն» խմբակցության քարտուղար Լարիսա Ալավերդյանը հայտարարեց, որ իրենց հետ միասին դահլիճում եղել է ընդամենը 63 հոգի: Նա խնդրեց անվավեր համարել և վերաքվեարկություն սահմանել:
Նիստը նախագահող ԱԺ փոխնախագահ Էդուարդ Շարմազանովը հայտարարեց, թե, որևէ հիմք չկա քվեարկությունն անվավեր համարելու համար, քանի որ պատգամավորը չնշեց որևէ օրինախախտ պատգամավորի անուն, ով քվեարկել է ուրիշի փոխարեն:
Այժմ, ԲՀԿ խնդրանքով, 20 րոպե ընդմիջում է հայտարարված:
