Գվատեմալայի ֆեմիդան շարունակում է գերազանցել սեփական ռեկորդները՝ 30-ամյա հնության քաղաքացիական պատերազմի մասնակիցների նկատմամբ ամեն անգամ ավելի խիստ դատավճիռներ կայացնելով: Այս անգամ 5 նախկին ապաստամբներ դատապարտվել են 7710 տարվա ազատազրկման՝ հնդկացիական գյուղի հարյուրավոր խաղաղ բնակիչների սպանելու մեղադրանքով: Ավելի վաղ նման դատավճիռ էր կայացվել մի քանի հատուկջոկատայաինների նկատմամբ, որոնք դատապարտվել էին 6060 տարվա ազատազրկման:
Ինչպես հաղորդում է BBC-ն, նրանք մեղավոր են ճանաչվել 1982 թ. Գվատեմալայի հյուսիսում՝ Պլան դե Սանչես գյուղում, 256 խաղաղ բնակիչների ոչնչացնելու համար:
Դատավճիռ կայացնելիս դատավոր Ժասմին Բարիոսը հիմնվել է այն հանգամանքի վրա, որ յուրաքանչյուր սպանության համար յուրաքանչյուր հանցագործի հասնում է 30 տարվա ազատազրկում: Եվս 30 տարի գումարվել է մարդկության դեմ հանցագործության համար: Սակայն այդպիսի պատիժները կրրում են ավելի շուտ խորհրդանշական բնույթ, քանի որ Գվատեմալայի դատարանը ազատազրկաման առավելագույն ժամկետ է համարում 50 տարին:
Բոլոր դատապարտվածները եղել են այսպես կոչված՝ քաղաքացիական ինքնապաշտպանության ջոկատների անդամներ, որոնք ստեղծվել էին Գվատեմալայի ռազմական հրամանատարության կողմից՝ կոմունիստ պարտիզանների դեմ պայքարում բանակին աջակցելու համար:
Պլան դե Սանչեսի ջարդը ներառված է ՄԱԿ-ի կողմից գրանցված մոտ 600 ռազմական հանցագործությունների ցուցակում: 2004 թ. Միջագային քրեական դատարանը այդ գյուղում իրականացված զանգվածային սպանությունների համար պատասխանատու համարեց Գվատեմալա պետությանը և պահանջեց պատասխանատվության ենթարկել մեղավորներին:
