Ադրբեջանական Trend լրատվական գործակալության փոխանցմամբ՝ ԵԱՀԿ Մինսկի խմբի ամերիկացի համանախագահ Ռոբերտ Բրադտկեն «Ազատություն» ռադիոկայանին տված հարցազրույցի ժամանակ անդրադարձել է Ղարաբաղյան հակամարտության կարգավորմանը.
«Հայաստանն ու Ադրբեջանը հավանաբար շատ ավելի մոտ են գտնվում համաձայնության հասնելուն, քան իրենք կարծում են: ԵԱՀԿ Մինսկի խումբը հակամարտող կողմերին օգնել է մոտենալ հակամարտության կարգավորման «հիմնարար սկզբունքների» համաձայնեցմանը: Սակայն նրանց միջև վստահության ու համագոծակցության բացակայությունը խոչընդոտում է գործընթացին»:
Նշվում է, որ մարտի 24-ին ԵԱՀԿ Մինսկի խումբը նշելու է իր 20-ամյակը:
