ԱՄՆ Տեխաս նահանգի Ֆորթ Ուորթ քաղաքի ոստիկանությունը քննում է սենատոր, Դեմոկրատական կուսակցության ներկայացուցիչ Վենդի Դևիսի տան հրդեհման գործը,- հաղորդում են Fox News-ը:
Երեկ անհայտ անձինք նրա գրասենյակի վրա դյուրավառ խառնուրդով երկու շիշ են նետել: Հարձակման ժամանակ գրասենյակում եղել են երկու աշխատակիցներ, որոնք բարեբախտաբար չեն տուժել: Ինքը՝ սենատորը, այդ պահին գրասենյակում չի եղել:
Սենատորի պաշտոնական ներկայացուցիչ Էնթոնի Սփենգլերը հայտարարել է, որ առայժմ չգիտի՝ արդյոք հարձակումը քաղաքական դրդապատճառներո՞վ է եղել: Ոստիկանությունից հայտնել են, որ քննիչներն ակնկալում են վկայություններ ստանալ ականատեսներից: Քննության այլ մանրամասներ չեն հաղորդվում:
Վենդի Դևիսը սենատոր է ընտրվել 2009 թ.:
