Gmail փոստային ծառայությունը օգտագործողներին կբացատրի, թե ինչու է այս կամ այն նամակը համարում սպամ: Այս մասին տեղեկացվում է ծառայության պաշտոնական բլոգում:
Յուրաքանչյուր սպամ-հաղորդագրության մոտ կցուցադրվի բացատրություն պարունակող բլոգ, թե ինչու է համակարգն այդ նամակը համարել անցանկալի: Այդ տեղեկությունները, ըստ Google-ի, օգտվողներին կօգնեն ավելի շատ բան իմանալ վնասաբեր նամակների մասին, որ վերացնում է Gmail-ը:
Պատճառները, որ նամակներն ընկնում են «սպամ» կատեգորիա, նաև նշված են ծառայության տեղեկատվական առանձին էջում:
Դա կարող է տեղի ունենալ, եթե նամակը ուղարկվել է խաբեբաների կողմից, որոնք փորձել են իմանալ օգտվողի անձնական տվյալները, օրինակ` գաղտնաբառ, կրեդիտ քարտի համար և այլն, կամ էլ կեղծել են նամակ ուղարկողի հասցեն:
Բացի այդ, համակարգը սպամ է ուղարկում կասկածելի թվացող նամակները:
Ինչպես տեղեկացնում է lenta.ru-ն, Gmail փոստային ծառայությունը ներկայացվել է 2004թ. ապրիլի 1-ին: Google-ը, որին պատկանում Gmail-ը, բազմիցս ուշադրություն է դարձրել իր ծառայությունից օգտվողների պաշտպանությանը՝ պայքարելով ֆիշինգի և սպամի դեմ:
