Որոշ ԶԼՄ-նրերի տարածած այն տեղեկատվությունը, ըստ որի Սիրիայի տարածքում Ռուսաստանի հատուկջոկատայիններ են գործում, իրականությանը չի համապատասխանում: Այս մասին հայտնել է Սիրիայի բարձրաստիճան պաշտոնյան:
«Այդ տեղեկություններն ամբողջությամբ տեղավորվում են այն կեղծիքի շրջանակներում, որ տարվում է Սիրիայի դեմ ընդդիմության կողմնակիցների և այն երկրների կողմից, որոնք աջակցում են վերջինիս՝ պետության ներքին գործերին օտարերկրյա միջամտության կոչերը թաքցնելու նպատակով»,- պաշտոնյայի խոսքերը մեջբերում է սիրիական պետական Sana գործակալությունը:
Աելի վաղ այդ լուրերը հերքել էր նաև պաշտոնական Մոսկվան:
Այսօր սակայն ՌԴ արտգործնախարար Սերգեյ Լավրովը լրագրողներին հայտնել է, որ սիրիական Տարտուս նավահանգիտ է մտել ռուսական լցանավ, որի վրա գտնվում են անվտանգության ստորաբաժանումներ՝ ծովահեններից պաշտպանվելու համար:
«Պաշտպանության նախարարությունից պաշտոնապես տեղեկացրել են, որ Տարտուսում ռուսական լցանավ է գտնվում, որը վառելիք է ապահովում Ադենի ծոցում աշխատող ՌԴ Սևծովյան և Հյուսիսային նավատորմերին, որոնց հակածովահենային միջոցառումնբերի շրջանակներում ներգրավաված են ԵՄ և ՆԱՏՕ-ի երկրներիի նավերը»,- ասել է Լավրովը:
