Apple-ը երկուշաբթի հայտարարել է, որ 10 մլրդ դոլար կուղղի սեփական բաժնետոմսերը հետ գնելու համար` սկսած 2013թ. ֆինանսական տարուց, որը մեկնարկում է սեպտեմբերի 30-ին: Ծրագիրը կտևի 3 տարի: Այս մասին հայտնում է Bloomberg գործակալությունը:
Բացի այդ` ընկերությունը հայտարարել է եռամսյակային շահութաբաժինները վճարելու մասին` 2.65 դոլար 1 բաժնետոմսի համար: Առաջին վճարը նախատեսվում է կատարել հուլիսի 1-ից սկսած: Ընդ որում` Apple-ը շահութաբաժիններ չի վճարել 1995թ. սկսած:
Ընկերության գլխավոր ֆինանսական տնօրեն Փիթեր Օպենհեյմերի գնահատականների համաձայն`մոտակա երեք տարում ընկերությունը ներդրողներին կվերադարձնի ընդհանուր առմամբ 45 մլրդ դոլար:
