Ինչպես հաղորդում է «Ազատություն» ռադիոկայանը` հղում կատարելով ՀՀ ՀՔԾ-ին, Ազգային անվտանգության ծառայության Էջմիածնի բաժնի աշխատակցին մեղադրանք է առաջադրվել պաշտոնական լիազորությունները չարաշահելու եւ սուտ մատնության համար:
ԱԱԾ Արմավիրի վարչության ավագ օպերլիազոր Արայիկ Անտոնյանը Էջմիածնի բնակչուհի Մ.-ին դրդել է Գ. Մկրտչյանի նկատմամբ ծանր հանցագործության մեջ սուտ մատնություն կատարելուն` միաժամանակ ստեղծելով մեղադրանքի արհեստական ապացույցներ:
Գործով ձեռք բերված ապացույցների հիման վրա Անտոնյանը ներգրավվել է որպես մեղադրյալ` ՀՀ քրեական օրենսգրքի 308 հոդվածի 1-ին մասով եւ 34-333 հոդվածի 2-րդ մասին 1-ին եւ 2-րդ կետերով:
