Amnesty International իրավապաշտպան կազմակերպությունը մեղադրել է ՆԱՏՕ-ին Լիբիայում զոհերի հարազատների ու տուժած անձանց հանդեպ ոչ բավարար ուշադրության մեջ:
Իրավապաշտպանների տվյալներով` ՆԱՏՕ-ն չի անցկացնում լուրջ հետազոտություն ռմբակոծությունների հետևանքով սպանված կամ վիրավորված անձանց վերաբերյալ և նրանց չի տրամադրում արժանի փոխհատուցում պատճառնված վնասների դիմաց:
Amnesty International-ի հաշվետվության մեջ նշվում է, թե անհրաժեշտ է պարզել` արդյոք չե՞ն դարձել այդ մարդկային զոհերը միջազգային իրավունքի խախտման հետևանք: Եթե դա այդպես է, ապա մեղավորները պետք է փնտրվեն ու պատժվեն:
ՆԱՏՕ-ի ռմբակոծությունների հետևանքով տուժածները ու զոհերի հարազատները պատմել են, որ դաշինքի ներկայացուցիչներն անգամ չեն էլ փորձել նրանց հետ կապ հաստատել:
Ընդ որում` Amnesty International-ը, ինչպես և ավելի վաղ ՄԱԿ-ի մարդու իրավունքների հանձնաժողովը եկել է այն եզրակացության, որ ՆԱՏՕ-ն բավարար չափով նախազգուշական միջոցներ ձեռք չի առել խաղաղ բնակիչների անվտանգությունն ապահովելու համար:
Հյուսիսատլանտյան դաշինքն իր հերթին խորին ցավակցություն է հայտնում տուժածներին և զոհվածների ընտանիքներին, սակայն պնդում է, որ ՄԱԿ-ի Անվտանգության խորհրդի մանդատից հետո այլևս իրավասու չէ խառնվել Լիբիայի գործերին:
Amnesty International-ը գրանցել է դաշինքի ռմբակոծությունների հետևանքով 55 մարդու մահվան դեպք, ներառյալ` 16 երեխա ու 14 կին:
