Դուբայում երկու ռուս հարձակվել են տեղի ընկերություններից մեկի վրա և թալանել շուրջ 500 հազար դոլար: Այս մասին հայտնում է Emirates 24/7-ը:
Պարբերականի տվյալներով` մարտի 13-ի առավոտյան ռուսները ծեծել են դրամական փոխանցումներով զբաղվող ընկերությունից մեկի դուռը, որտեղ այդ ժամանակ եղել է ընկերության կին մենեջերը: Երբ նա բացել է դուռը, վերջիններս ներխուժել են, հարվածել կնոջն ու նրան էլեկտրաշոկի ենթարկել:
Ուշքի գալով` կինը զանգել է ոստիկանություն ու նկարագրել հանցագործներին:
Ոստիկանները հարցաքննել են ընկերության 6 աշխատակիցների, և նրանցից մեկի՝ ազգությամբ ռուսի ալիբին չի հաստատվել:
Նա ճնշման տալ խոստովանել է, որ իր հայրենակիցներին պատմել է, թե ինչպես կարող են հարձակվել ընկերության վրա, և թե որտեղ են գումարները:
Ոստիկանները հայտնաբերել են նրա համախոհներին ու ձերբակալել այն պահին, երբ վերջիններս բաժանել են փողերը:
Ինչպես նկատում է Gulfnews-ը, ոստիկանություն զանգելն ու գողերին հայտնաբերելը տևել է 8 ժամ:
