Ֆրանսիայում անհայտ անձը կրակ է բացել հրեական դպրոցի վրա, ինչի հետևանքով զոհվել է առնվազն մեկ մարդ, ևս 4-ը վիրավորվել են:
Ինչպես հաղորդում է Reuters-ը, դեպքը տեղի է ունեցել Թուլուզ քաղաքում։ Հանցագործը դեռ ազատության մեջ է: Ոստիկանության հատուկ ստորաբաժանումները շրջափակել են դեպքի վայրը: Զինված հանցագործը վաղ առավոտյան մոտոցիկլետով մոտեցել է Թուլուզի հրեական դպրոցներից մեկին և կրակ բացել աշակերտների ու նրանց ծնողների վրա, երբ նրանք պատրաստվում էին ներս մտնել:
Ականատեսների վկայությամբ՝ հրաձգության հետևանքով զիոհվել է 3 մարդ, այդ թվում՝ երկու երերխա:
Ֆրանսիայի ներքին գործերի նախարար Կլոդ Գիանը կարգադրել է ուժեղացնել հսկողությունը երկրի բոլոր հրեական դպրոցների մոտ: Ակնկալվում է, որ Գիանն անձամբ կժամանի դեպքի վայր:
Ֆրանսիայի հրեական համայնքն ամենամեծն է Եվրոպայում՝ շուրջ 700 հազար մարդ:
