Ռուսաստանի ընդդիմությունը երկուշաբթի հայց է ներկայացրել մարտի 31-ին Մոսկվայի «Տրիումֆալնայա» հրապարակում բողոքի ցույց անցկացնելու համար,- հաղորդում է Interfax-ը: «Հայցը ներկայացվել է Մոսկվայի քաղաքապետ Սերգեյ Սոբյանինի անունով»,- ասել է «Ուրիշ Ռուսաստան» չգրանցված կուսակցության ներկայացուցիչ Ալեքսանդր Ավերինը:
Նրա խոսքերով՝ հայցը ստորագրել են ընդդիմադիր քաղաքական գործիչներ Էդուարդ Լիմոնովը, Վլադիմիր Բուկովսկին, Կոնստանտին Կոսյակինը և այլք:
Ընդդիմադիրները պատրաստվում են «Տրիումֆալնայա» հրապարակում հանրահավաք անցկացնել յուրաքանչյուր ամսվա 31-ին: Դրանով նրանք հանդես են գալիս ՌԴ Սահմանադրության 31-րդ հոդվածի պաշտպանությամբ, որը երաշխավորում է ազատ հանրահավաքների անցկացումը:
Անցյալ շաբաթ Լիմոնովը գործկալությանը հայտնել է, որ վերջին երեք տարիների ընթացքում «Տրիումֆալնայա» հրապարակում ակցիա անցկացնելու հայցերը իշխանությունների կողմից մերժվել են ավելի քան 25 անգամ:
