Այսօր Մոսկվայում տեղի է ունենալու Եվրասիական տնտեսական ընկերակցության (ԵվրԱզԷՍ) միջպետական խորհրդի նիստը: Ռուսաստանի նախագահի մամուլի ծառայությունից հայտնել են, որ ԵվրԱզԷՍ-ի անդամ երկրների ղեկավարները կքննարկեն եվրասիական տարածքում հետագա ներգրավման հարցերը:
Հաղորդագրության մեջ նշվում է, որ այս հանդիպումը մեծ նշանակություն ունի եվրասիական տնտեսական ինտեգրման հետագա ընթացքի համար: Սպասվում է, որ անդամ երկրների ղեկավարները կընդունեն որոշում, որը կճշգրտի տարածաշրջանային ինտեգրման ապագա գործընթացների սահմանները:
Հանդիպման ընթացքում ԵվրԱզԷՍ-ի անդամ երկրների ղեկավարները որոշում կընդունեն պայմանագրի նախագծի հիմքային սկզբունքների վերաբերյալ, որը նախատեսում է ԵվրԱզԷՍ-ի փոխակերպումը ինտեգրացիոն նոր միավորման:
Նիստին կմասնակցեն ԵվրԱզԷՍ-ի անդամ Ռուսաստանի, Բելառուսի, Ղազախստանի, Ղրղըզստանի և Տաջիկստանի ղեկավարները:
Հիշեցնենք, որ Հայաստանի նախագահ Սերժ Սարգսյանը նույնպես կմասնակցի նիստին:
