2008 թվականից անկախ պատգամավոր Տիգրան Թորոսյանը բացառում է իր՝ մեծամասնական ընտրակարգով առաջադրվելու հնարավորությունը: Այս մասին նա ասաց «Առաջին լրատվական»-ի հետ զրույցում:
Ինչ վերաբերում է համամասնական ընտրակարգով իր հնարավոր առաջադրմանը՝ պատգամավորը, խուսափելով ուղիղ պատասխանից, խորհուրդ տվեց ևս մի քանի օր սպասել. «Երբ առաջադրումներն ավարտվեն, ամեն ինչ պարզ կլինի: Շատ չի մնացել, պետք է 5 օր սպասել, տեսնել՝ ինչով է ավարտվում առաջադրումների շրջանը և հետևություններ անել: Միաժամանակ, ես ոչ մի բանի չեմ սպասում, ես ամեն ինչ գիտեմ, միայն լրագրողներն են սպասում»,- ասաց Տիգրան Թորոսյանը:
