TRT-ի ռուսական ծառայության փոխանցմամբ՝ Թուրքիայի ու ԵՄ-ի միջև տնտեսական համագործակցությունը շարունակում է աճել՝ թեև նրանց միջև առկա են մի շարք քաղաքական խնդիրներ:
ԵՄ-ի վիճակագրական տվյալների համաձայն՝ 2011 թվականին Թուրքիան դարձել է ԵՄ-ի 6-րդ խոշոր առևտրային գործընկերը՝ առաջ անցնելով Ճապոնիայից: 2011 թվականին դեպի ԵՄ թուրքական արտահանումն աճել է 12 տոկոսով՝ կազմելով 47.6 միլիարդ եվրո: Միևնույն ժամանակ ԵՄ-ից ներկրումը կազմել է 72.7 միլիարդ եվրո:
Դրանով իսկ 2011 թվականին ԵՄ-ի ու Թուրքիայի միջև ապրանքաշրջանառության ծավալը գերազանցել է 120 միլիարդ եվրոյի սահմանագիծը: Դրա շնորհիվ Թուրքիան ԵՄ-ի առևտրային խոշոր գործընկերների թվում զբաղեցրել է 6-րդ տեղը՝ իր հետևում թողնելով Ճապոնիային, Հնդկաստանին, Բրազիլիային ու Հարավային Կորեային:
2010 թվականին Թուրքիան այդ ցանկում 7-րդն էր, իսկ նրա ցուցանիշը կազմել էր 103 միլիարդ եվրո:
