ԱՄՆ նախագահ Բարաք Օբաման զանգահարել է Աֆղանստանի նախագահ Համիդ Քարզային` երկրի գյուղերից ՆԱՏՕ-ի զորքերի հեռանալու վերաբերյալ Քարզայի պահանջը քննարկելու համար:
The Washington post-ը գրում է, որ Սպիտակ տան խոսնակ Ջեյ Քարնին ասել է, որ վաղ առավոտյան հեռախոսազրույցի ժամանակ ղեկավարները համաձայնության են եկել աֆղան նախագահի պահանջի մասին հետագա քննարկումներ անցկացնելու վերաբերյալ: Բայց Քարզայն Աֆղանստանում լրագրողներին ասել է, որ չի պատրաստվում փոխել իր պահանջը: Եթե այդպես լինի, դա խնդիրներ կառաջացնի ԱՄՆ-ի ռազմավարության համար:
Քարնին ասել է, որ ղեկավարները ևս մեկ անգամ վերահաստատել են իրենց համաձայնությունն Աֆղանստանից ամերիկյան զորքերի աստիճանաբար հեռացման վերաբերյալ: