Հանրապետական սենատոր Ռիչարդ Լուգարին Ինդիանա նահանգում զրկել են ձայնի իրավունքից: Այս մասին հաղորդում է Fox News-ը:
Նահանգում ձայնի իրավունքից զրկվել է նաև սենատորի կինը: Համապատասխան որոշումը կայացրել է Մարիոն շրջանի ընտրական կոմիտեն` 2 ձայնը 1-ի դեմ հարաբերակցությամբ: Ձայները բաշխվել էին կուսակցական պատկանելությանը համապատասխան (դեմոկրատները կողմ էին քվեարկել, հանրապետականները` դեմ):
Լուգարն ու նրա կինը զրկվել են շրջանում ընտրելու իրավունքից, քանի որ վաղուց չեն ապրում այդ վայրում ու վաճառել են իրենց պատկանող տունը:
1995-ից Ինդիանայի օրենսդրությունը պահանջում է, որ ընտրողներն ընտրեն այն վայրում, որտեղ բնակվում են կամ ունենան իրենց բնակավայր վերադառնալու իրավունք:
Լուգարը բնակվում է Վաշինգտոնում: Այն հանգամանքը, որ նա այնտեղ բնակվելով քվեարկել է որպես Ինդիանայի բնակիչ, Մարիոնի ընտրական կոմիտեն համարել է օրինազանցություն: Անձամբ սենատորը պնդում է, որ ինքը դեռ ունի Ինդիանայում քվեարկելու իրավունք` հղում կատարելով Սահմանադրության այն հոդվածը, ըստ որի` մարդը, ով լքել է Ինդիանան կամ ԱՄՆ-ն աշխատանքի բերումով, դեռ պահպանում է դրա բնակիչ համարվելու կոչումը: Politico-ն, որը մեջբերում է Լուգարի խոսքերը, հայտարարել է, որ որոշումը բողոքարկվելու է ընտրական հանձնաժողովում: