ՙ1in.am՚-ի հետ զրույցում քաղբանտարկյալ, ազատամարտիկ Հարություն Ուռուտյանը հայտարարել է, որ առանձնապես մեծ սպասելիքներ չունի հոկտեմբերի 19-21-ը Եվրոպայի խորհրդի հովանու ներքո կազմակերպված ֆորումից: Նրան ոգեւորել են ոչ թե ԵԽ գլխավոր քարտուղար Թյորբորն Յագլանդի հայտարարությունները քաղաքական հայացքների համար կալանավորված անձանց մասին, այլ Հայ ազգային կոնգրեսի կազմակերպած վեցժամյա պիկետն ու դրան հաջորդած հանրահավաքը: Հարություն Ուռուտյանը գոհ է, որ Հայ ազգային կոնգրեսի ներկայացուցիչները հետեւողականորեն բարձրաձայնում են ՙԱ1+՚ հեռուստաընկերությանը եթեր վերադարձնելու մասին: Երկուսուկես տարի անազատության մեջ գտնվող քաղբանտարկյալը վրդովված է իշխանության ներկայացուցիչների տարածած այն սուտ հայտարարություններից, թե Հայաստանում չկան քաղբանտարկյալներ: Քաղբանտարկյալը նշեց, որ ինքը պայքարելու է, որպեսզի իրենք օր առաջ ազատվեն այս անօրինական իշխանություններից: Այդ իսկ պատճառով նա կարեւոր է համարում ՀՀ առաջին նախագահ Լեւոն Տեր-Պետրոսյանի` 2007 թվականի սեպտեմբերի 21-ին քաղաքականություն վերադառնալու մասին կայացրած որոշումը: