iPad նոր պլանշետային համակարգչի առաջին գնորդը Ավստրալիայում, որտեղ ամենից շուտն է սկսվել նոր սարքավորման վաճառքը, դարձել է Սիդնեյի 34-ամյա բնակիչ Դևիդ Տարասենկոն,- հայտնում է Reuters գործակալությունը:
Ուրբաթ՝ մարտի 16-ին, Apple ընկերությունը սկսել է երրորդ սերնդի նոր iPad-ի վաճառքը:
Ըստ ԶԼՄ-ների` այս ապրանքանիշի սիրահարներն արդեն հավաքվել են ԱՄՆ-ի, Կանադայի, Մեծ Բրիտանիայի, Ֆրանսիայի, Գերմանիայի, Շվեյցարիայի և Ճապոնիայի Apple Store խանութի առջև:
Նշված երկրների բոլոր խանութները պետք է բացվեին տեղի ժամանակով ժամը 8-ին, սակայն Ավստրալիայում առաջինը վաճառքը սկսել է ոչ թե պաշտոնական Apple Store-ը, այլ տեղի Telstra հեռահաղորդակցություն օպերատորը, որը վաճառքը սկսել է նախքան Apple Store խանութի բացվելը:
Նոր iPad-ի Telstra սալոնի առաջին գնորդը՝ Տարասենկոն, ասել է, որ ինքը որոշել էր նոր iPad-ը ձեռք բերել դեռ մարտի 7-ին՝ սարքավորման պաշտոնական ներկայացման օրը:
ԱՄՆ-ում ևս, չսպասելով Apple Store-ի բացմանը, նոր iPad-ի վաճառքը սկսել են Wal-Mart և Best Buy խանութները, իսկ ժամը 8-ից նոր iPad-ը կարելի էր ձեռք բերել նաև AT&T և Verizon հեռահաղորդակցություն օպերատորի սալոններում, ինչպես նաև Target և Radio Shack խանութներում,- հայտնում է Mashable:
Հիշեցնենք, որ 2010-ից ի վեր Apple-ը վաճառել է ավելի քան 55 մլն iPad:
