Բարաք Օբամայի ադմինիստրացիան մտադիր է վերսկսել Եգիպտոսին ռազմական օգնության տրամադրումը` չնայած Կահիրեի հետ հարաբերությունների բարդությանը` կապված իրավապաշտպաններին հետապնդելու հետ:
Այս մասին գրում է The New York Times-ը` հղում անելով ամերիկացի պետական պաշտոնյաներին, որոնք չեն ցանկացել հայտնել իրենց անունը:
Օգնությունը դարձյալ կվերսկսվի՝ չնայած այն բանին, որ Կոնգրեսը այդպիսի օգնության տրամադրումը ուղղակիորեն կապում է օգնություն ստացող երկրում հիմնարար ազատությունների հետ:
Պարբերականի տվյալներով` ԱՄՆ պետքարտուղար Հիլարի Քլինթոնը արդեն հաջորդ շաբաթվա սկզբին կհայտարարի, որ օգնության տրամադրումը անհրաժեշտ է` ելնելով ազգային անվտանգությունից: Դրանից հետո Կահիրեինն կտրամադրվի 1.3 մլրդ դոլարի չափով գումար` նախատեսված 2012 թ. համար:
Թերթի գնահատականներով` հենց ռազմական օգնության դադարեցումն է դարձել այն հիմնական պատճառը, որ եգիպտական իշխանությունները ազատել են ամերիկացի 7 իրավապաշտպաններին, որոնց Եգիպտոսում կասկածում էին երկրում անօրինական գործունեության, մասնավորապես՝ ԿՀՎ-ի հետ համագործակցելու մեջ
