Մոսկվայում «Ճեղքում» (Прорыв) շարժման ակտիվիստները մարտի 18-ին մի շարք միայնակ պիկետներ կանցկացնեն Մանեժի հրապարակում:
«Մեզնից յուրաքանչյուրը Մանեժի հրապարակում կանցկացնի կես ժամ՝ սպիտակ ծաղիկներով, սպիտակ փուչիկներով և սպիտակ գույնի այլ ատրիբուտներով»,- ասել են ակցիայի կազմակերպիչները:
Ըստ օրենքի՝ միայնակ պիկետների համար քաղաքապետարանից թույլտվության անհրաժեշտություն չկա:
Ավելի վաղ այս շարժումն առաջարկել էր մարտի 5-ին անցկացնել «Սպիտակ օղակ» ակցիան, որով նախատսեվում էր սպիտակ օղակի մեջ վերցնել Կրեմլը: Սակայն ակցիան չհաջողվեց, քանի որ ոստիկանները շրջապատել էին Կրեմլը:
Սպիտակ ժապավենները դարձել են Ռուսաստանում հանուն արդար ընտրությունների պայքարող ընդդիմադիրների խորհրդանիշը:
