ԱՄՆ-ը կշարունակի սատարել ժողովրդավարությանը Ռուսաստանում: 2009 թ. սկսած այս նպատակի համար ԱՄՆ-ը ծախսել է ավելի քան 200 միլիոն դոլար: Ինչպես տեղեկացնում է RIA Novosti-ն, այս մասին հայտնել է Եվրոպայի և Եվրասիայի հարցերով պետքարտուղարի տեղակալ Ֆիլիպ Գորդոնը:
«Մարդու իրավունքները և դեմոկրատիայի սատարումը մնում են մեր աշխատանքի ուղղությունների մեջ: 2009 թ. Բարաք Օբամայի Սպիտակ Տուն գալուց հետո մենք (ԱՄՆ վարչակազմը) ՌԴ-ում ժողովրդավարությանը սատարելու և մարդու իրավունքների պաշտպանությունն ապահովելու համար ծախսել ենք 200 միլիոն դոլար»,- տեղեկացրել է Գորդոնը
Վաշինգտոնում ելույթ ունենալու ժամանակ Գորդոնը հայտարարել է, որ ԱՄՆ-ը շարունակելու է ֆինանսավորել ռուսական ոչ պետական կազմակերպություններին, որի նպատակով վարչակազմը Կոնգրեսի օգնությամբ ստեղծել է ֆոնդ՝ 50 միլիոն դոլար ծավալով:
Գորդոնը նաև նշել է, որ Վաշինգտոնում լավատեսորեն են նայում երկու երկրների հարաբերությունների զարգացմանը՝ ՌԴ նոր նախագահ ընտրվելուց հետո: Նա հավելել է, որ կողմերի վիճելի հարցերն արդեն «հայտնի թեմաներ են»։ Դրանք են` Վրաստանը և մարդու իրավունքները: