Orange-ը Ֆուտբոլասերների Գավաթով մեկնարկում է ԵՎՐՈ 2012-ի միջոցառումները շարքը:
11 երկրների ֆուտբոլասերներ հնարավորություն կունենան ստանալ առաջնությանը մասնակցելու տոմսեր և այլ մրցանակներ
2012թ. ՈՒԵՖԱ-ի Ֆուտբոլի Եվրոպայի առաջնության մեկնարկից առաջ Orange-ը մեկնարկում է իր առաջին համաեվրոպական մրցույթը` հնարավորություն ընձեռելով ֆուտբոլասերներին աջակցել իրենց ազգային հավաքականին և սիրելի թիմերին ինչպես երբևէ նախկինում, և պատրաստվել այս համաեվրոպական սպորտային իրադարձությանը:
Orange Ֆուտբոլասերների Գավաթը, որը կմեկնարկի այսօր www.supporterscup.orange.com կայքում, հնարավորություն կընձեռի ողջ Եվրոպայի ֆուտբոլասեր հանրությանը` սովորական ֆուտբոլասերներից մինչև մոլի երկրպագուներ, գրանցվել նշված կայքում և առցանց կամ բջջային հեռախոսների միջոցով մասնակցել կայքի շրջանակներում անկացվող խաղ-մրցույթներին և ստանալ մրցանակներ, այդ թվում` EURO 2012TM-ի շրջանակներում Orange-ի կողմից առաջարկվող ապրանքներ, նոր հեռախոսներ, իսկ հաղթող թիմերը կարժանանան գլխավոր մրցանակին` VIP ավտոբուսով մեկնում Վարշավա և Կիև` մասնակցելու առաջնության առաջին և եզրափակիչ խաղերին:
Orange-ի ներկայության 11 եվրոպական երկրներում յուրաքանչյուր ոք` անկախ այն բանից` Orange-ի բաժանորդ է, թե ոչ, կարող է մասնակցել Orange Ֆուտբոլասերների Գավաթին: Մոտակա ամիսներին Orange-ը կմեկնարկի այլ մրցարշավեր ևս` հնարավորություն ընձեռելով կյանքի կոչել EURO 2012TM-ը բոլոր այն ֆուտբոլասերների համար, ովքեր աջակցում են իրենց սիրելի թիմերին ինչպես տանը, այնպես էլ մարզադաշտում:
«EURO 2012tm-ը բոլոր ֆուտբոլասերների համար լինելու է տարվա իրադարձությունը, և Orange Ֆուտբոլասերների Գավաթի, պաշտոնական ծրագրային հավելվածի և հատուկ այս առաջնության համար մեկնարկող այլ մրցարշավների միջոցով մենք աջակցում ենք բոլոր ֆուտբոլասերների սպորտային խանդավառությանը: Մենք հավատում ենք, որ մի շարք գրավիչ մրցույթների, ապրանքների և ծառայությունների միջոցով մենք կկարողանանք կյանքի կոչել այս իսկապես մեծ ֆուտբոլային իրադարձությունը մեր բաժանորդների և բոլոր ֆուտբոլասերների համար Հայաստանում, ինչպես ողջ Եվրոպայում,» ասաց Orange Արմենիայի գլխավոր տնօրեն Բրունո Դյութուան:
Մրցույթի շրջանակներում անցկացվում են խաղեր, որոնց ֆուտբոլասերները կարող են մասնակցել ինչպես անհատապես, այնպես էլ թիմերով, առցանց կամ բջջային հեռախոսների միջոցով: Այսօրվանից սկսած` ֆուտբոլասերները կարող են գրանցվել և խաղ-մրցույթներին պատրաստվելու համար կազմել թիմեր, իսկ ֆուտբոլային առաջնությանը կարող են պատրաստվել` ստեղծելով իրենց ավատարը իրենց սիրելի հավաքականի պատկերով, ավելի շատ տեղեկություններ հավաքելով վերջինիս մասին և նույնիսկ ներկվելով ազգային դրոշի գույներով:
«Մոտակա ամիսներին և մինչև խաղերի ավարտը մենք պարբերաբար կունենանք առաջարկներ ու անակնկալներ մեր բաժանորդների համար: Որպես առաջնության պաշտոնական գործընկեր` մենք կկարողանանք մեր բաժանորդներին հնարավորություն տալ ունենալ յուրահատուկ հուշանվերներ, բրենդավորված տարբեր ապրանքներ ու տոմսեր խաղերի համար: Ֆուտբոլային տոնին կմասնակցեն բոլորը` կանխավճարային բաժանորդները, Դելֆինի, Թիթեռի ու Պանտերայի բաժանորդները, ինտերնետի բաժանորդները, նրանք, ովքեր այստեղ են դիտելու խաղերը և նրանք, ովքեր մեկնելու են Լեհաստան կամ Ուկրաինա և այնտեղ սատարելու իրենց նախընտրած հավաքականին: Շուտով պատրաստ կլինի նաև հատուկ ծրագրային հավելվածը սմարթֆոնների օգտագործողների համար: Գալիք ամիսներն Orange-ում ֆուտբոլային են լինելու», ասաց Orange Արմենիայի մարքեթինգի տնօրեն Արամ Մկրտչյանը:
Orange-ը հպարտ է EURO 2012™-ը հովանավորելու համար: EURO 2012™-ի շրջանակներում Orange Լեհաստանը հանդիսանում է EURO 2012™-ի բացառիկ տեխնոլոգիական գործընկերը Լեհաստանում: Orange-ը ՈՒԵՖԱ-ի հետ համատեղ ներկայացնում է բջջային հեռախոսների համար նախատեսված և հատուկ այս առաջնության համար մշակված պաշտոնական ծրագրային հավելվածը: Սա Orange-ի կողմից երբևիցե հովանավորված առաջին համաեվրոպական սպորտային իրադարձությունն է: Այս սպորտային նախաձեռնության բոլոր առավելություններից կօգտվեն Orange-ի բաժանորդները Հայաստանում, ինչպես Իսպանիայում, Լեհաստանում, Ֆրանսիայում, Միացյալ Թագավորությունում, Սլովակիայում, Ռումինիայում, Ավստրիայում, Լյուքսեմբուրգում, Մոլդովայում և Շվեյցարիայում: